A Assembleia Comarcal de NÓS-Unidade Popular em Trasancos quer fazer pública a sua adesom à manifestaçom convocada para o próximo domingo, dia 4 de Março, em defesa dos espaços públicos do concelho de Ferrol e contra a pretensom do PP e IF de construir um edifício em plena praça da Porta Nova. Tal como figemos nas duas manifestaçons anteriores, a nossa organizaçom participa na convocatória e os nossos filiados e filiadas estarám presentes nesta nova mobilizaçom em defesa de um urbanismo racional e contra a especulaçom.

Em relaçom à decisom recente da Direcçom Geral do Património, da Junta da Galiza, de requerer a paralisaçom das obras por representarem umha infracçom grave da normativa urbanística, devemos lamentar que careça da suficiente contundência, ao deixar umha margem de três meses para a execuçom desse requerimento, o que dá margem de manobra aos especuladores que dirigem a política urbanística em Ferrol.

Contodo, há que dizer que a reacçom tardia e insuficiente da Junta só se deu pola insistente e firme mobilizaçom de cada vez mais ferrolanos e ferrolanas em defesa de um urbanismo ao serviço da maioria. É, por isso, necessário que continuemos a manifestar-nos até conseguir a paralisaçom efectiva e definitiva do projecto de Juan Juncal e de Juan Fernández. Ao mesmo tempo, é preciso mantermos a tensom mobilizadora diante de outros conflitos abertos da mesma natureza especuladora: a ameaça contra a fraga de Menáncaro, a aberraçom de querer instalar umha piscina privada na praça de Sartanha... a luita dos vizinhos e vizinhas contra a especulaçom e em defesa de um Ferrol habitável deve continuar.

A praça é nossa, e nom de Abeconsa!

STOP especulaçom!

Defendamos os espaços públicos!

Fora PP e IF!

Assembleia Comarcal de NÓS-UP em Trasancos

1 de Março de 2007