Neste Sábado, 11 de Agosto, diversos sectores da esquerda anticapitalista do Bierzo, entre os que se atopa a esquerda independentista galega organizada em NÓS-UP,  organizam umha jornada com diversas actividades de recuperaçom da memória histórica e reflexom sobre a construçom de alternativas para o presente e o futuro.

Às 11 da manhá, haverá um roteiro até as Ponte de Malpaso, partindo de Molina Seca, como homenagem e reconhecimento à luita das e dos guerrilheiros antifranquistas. No acto, participará o Francisco Martínez López, "Quico", membro do grupo do mais conhecido guerrilheiro da zona, o Girom, e o Ramiro Vidal Alvarinho, membro da Direcçom Nacional de NÓS-UP. Ali mesmo, nas Pontes de Malpaso, celebrara-se um jantar de confraternidade.

À tarde, a partir das 18.00h., e na Taberna "Che" de Carracedelo, celebrara-se um encontro sobre a situaçom do mundo laboral no Bierzo (precariedade, subcontratas, juventude, emigraçom...), contando com a participaçom do Laurentino González, membro da Rede contra a Precariedade de Barcelona, e natural do Bierzo.