Fôrom sete anos de actuaçons políticas mui diversas da esquerda independentista, desde que em 2000 a estátua do ditador espanhol Francisco Franco fora totalmente pintada da cor de rosa do antifascismo galego. Nos anos seguintes, NÓS-Unidade Popular continuou o labor de denúncia e a eliminaçom directa de estátuas, placas, escudos e outros símbolos franquistas, reclamando às instituiçons públicas a assunçom de um dever de higiene democrática que até hoje continua em boa medida pendente.

Em lugar de assumirem a crítica, as instituiçons aludidas realizárom denúncias e promovêrom detençons contra membros da nossa organizaçom, incluindo julgamentos e multas, quando nom agressons policiais directas.

Como era de esperar, os media silenciárom quanto pudérom a actividade de NÓS-UP, excepto nos casos em que o impacto das acçons nom permitiam o seu ocultamento. Agora,  como parte do imprescindível labor de ruptura do cerco informativo, oferecemos-vos um vídeo de seis minutos que sintetiza boa parte do trabalho realizado pola militáncia e a base social de NÓS-Unidade Popular nestes anos.