Em relaçom aos acontecimentos repressivos de ontem, 6 de Dezembro, decorridos na cidade de Vigo, durante e depois da manifestaçom convocada pola entidade Causa Galiza, a Direcçom Nacional de NÓS-Unidade Popular quer fazer públicas algumhas consideraçons:

1. Santiago, Crístofer, Carlos e Alexandre, militantes de NÓS-Unidade Popular detidos na esquadra policial durante toda a tarde até a sua saída polas 20 horas, estám em liberdade com cargos, acusados de “injúrias à coroa”. Terám que esperar a convocatória dos tribunais de Vigo antes de sabermos aonde chegam as pretensons repressivas das instáncias policiais e judiciais espanholas.

Os quatro encontram-se bem de ánimo, no convencimento da sua inocência e de estarem a ser vítimas de umha operaçom policial de criminalizaçom das ideias.

2. Convém que o povo trabalhador galego faga umha reflexom sobre as crescentes restriçons existentes no regime monárquico espanhol surgido da Constituiçom de 1978, contra o qual nos manifestamos ontem. Começa a ser prática habitual a perseguiçom, detençom e espancamento de manifestantes que questionam a monarquia e o Estado unitário espanhol. Afirmar a nacionalidade galega e reclamar a autodeterminaçom para o nosso povo é cada vez mais umha prática de risco, neste Estado pseudemocrático que pretende que a monarquia seja umha instituiçom, além de vitalícia e alheia à vontade popular, intocável.

3. Alguns meios de comunicaçom, com La Voz de Galicia à frente, contribuírom nas últimas horas para umha importante desinformaçom, ao atribuir a NÓS-Unidade Popular a organizaçom da manifestaçom de ontem em Vigo. Por isso queremos desmentir tais imprecisons, e lembrar que a nossa militáncia participou na mobilizaçom respondendo à convocatória de Causa Galiza, entidade suprapartidária em que os e as militantes de NÓS-UP trabalham junto a outros sectores da esquerda soberanista galega.

4. Queremos, finalmente, agradecer todas as mostras de solidariedade recebidas da Galiza e do estrangeiro, bem como a importante participaçom na concentraçom de ontem, em frente da esquadra policial, em apoio aos nossos militantes detidos.

Contra a Monarquia Espanhola, República Galega!

STOP à repressom espanhola!

Autodeterminaçom para a Galiza!

Direcçom Nacional de NÓS-Unidade Popular

Galiza, 7 de Dezembro de 2007