Um grupo de militantes da esquerda independentista conseguiu romper o cerco de segurança estabelecido pola extrema-direita antigalega de "Galicia Bilíngue" no teatro Garcia Barbom, no centro de Vigo, enquanto umha concentraçom em defesa da língua era espancada pola polícia no exterior.

@s militantes de NÓS-Unidade Popular situárom-se entre o público ultra num acto contra o galego, convocado no Teatro Garcia Barbom de Vigo. De maneira consecutiva, fôrom levantando-se em diferentes pontos da plateia, berrando palavras de ordem como “o bilingüismo é espanholismo”, respondendo a segurança do colectivo “Galicia Bilingüe” e o próprio público cada vez mais violentamente.

Finalmente, três companheiros subírom ao cenário para despregarem umha faixa que lhes foi arrancada por elementos da segurança do evento ultra.

Fora, umha concentraçom plural de mais de 125 pessoas de diferentes sectores sociais da cidade, com umha faixa com a legenda “Na Galiza em Galego”, foi atacada violentamente pola polícia de choque espanhola, provocando contussons nas pessoas presentes. Apesar da violência policial, a concentraçom reagrupou-se e continuou até o fim do acto pró-espanhol, e um manifestante em defesa dos direitos lingüísticos foi detido pola polícia espanhola.

NÓS-Unidade Popular quer reclamar a liberdade imediata sem cargos para o detido, que continua preso na esquadra policial no momento em que difundimos esta informaçom.

Parabenizamos também os sectores mais comprometidos com os nosso direitos lingüísticos, reunidos ontem em Vigo, como anteriormente na Corunha, para fazer frente à extrema-direita pró-espanhola, que quer exterminar-nos como povo.

NÓS-Unidade Popular e o conjunto da esquerda independentista continuará a defender a nossa dignidade de povo e os nossos direitos lingüísticos e nacionais.

Nom passarám!

Na Galiza, em Galego!