A iniciativa de numerosos colectivos sociais, políticos e sindicais de Ferrol reuniu por volta das 250 pessoas na praça de Amada Garcia, reclamando o fim dos ataques terroristas dirigidos polo exército israelita contra a populaçom civil da Faixa de Gaza. Apesar da chuva, a concentraçom prolongou-se por mais de meia hora, participando junto a outros sectores da esquerda social ferrolana militantes e simpatizantes de NÓS-Unidade Popular.

Entre as palavras de ordem coreadas, "O sionismo é o terrorismo", "Solidariedade com a Palestina" e "Palestina vencerá". Bandeiras da Galiza e da Palestina dérom cor a umha concentraçom em que se respirava a indignaçom pola impunidade com que o sionismo está a assassinar famílias inteiras na Faixa de Gaza. Na concentraçom denunciou-se também a responsabilidade das instituiçons europeias polo seu silêncio e cumplicidade com os assassinatos.

Um grupo de trabalhadores de africanos presente na nossa comarca aderiu também à concentraçom, que deverá repetir-se nos próximos dias se os bombardeamentos do imperialismo israelita continuam, como é previsível.