NÓS-Unidade Popular voltou a sair às ruas com as trabalhadoras e os trabalhadores galegos neste 1º de Maio marcado pola crise estrutural capitalista. Faixas próprias em diferentes manfiestaçons convocadas pola CIG e reivindicaçom de umha greve geral nacional marcárom a nossa presença em todas elas.

Ferrol, Ponte Vedra, Vigo, Compostela e a Corunha fôrom as manifestaçons convocadas pola CIG em que NÓS-Unidade Popular marchou com faixa própria, além da participaçom da nossa militáncia e base social nas estruturas de base do sindicato nacional e de classe.

A esquerda independentista participou junto a milhares de obreiros e obreiras numha jornada em que se reivindicou umha saída de esquerda à crise, rejeitando qualquer reforma regressiva contra os direitos laborais da classe trabalhadora.

Além de aderir à reclamaçom de umha greve geral, o independentismo de classe voltou a exigir que os ricos paguem a crise e ligou a conquista de direitos sociais para a maioria com a soberania nacional da Galiza, matéria pendente do movimento popular galego.