A confirmaçom da condena dos dous companheiros acusados de queimar umha figura em madeira do rei de Espanha, no fim de umha manifestaçom autodeterminista em Vigo, vem confirmar a existência de julgamentos políticos no Estado espanhol, onde a manifestaçom pública das ideias independentistas e republicanas é perseguida.

A existência de votos particulares de cinco magistrados contra a sentença final reafirma a orientaçom claramente parcial e reaccionária da puniçom legal contra Alexandre e Santiago, cujo único “delito” foi a queima de umha figura em madeira que representava o chefe de um Estado, o espanhol, questionado por importantes segmentos da populaçom galega.

As chamadas na sentença “injurias à Coroa” nom som mais do que a expressom desse rejeitamento, o exercício democrático de umha liberdade ideológica e de expressom tam gravemente limitado por boa parte dos juízes espanhóis em funçom dos interesses políticos da oligarquia dominante.

As multas de 2.700 e 1.800 euros impostas a dous trabalhadores contribui para incrementar a pressom contra quem se recusa à integraçom num regime antidemocrático e negador dos direitos colectivos e individuais dos galegos e das galegas, mas nom vai evitar que aumente o desprezo pola antidemocrática instituiçom monárquica, que nos nega como pessoas livres e como povo.

Para enfrentar a estratégia repressiva do Estado espanhol e dos organismos judiciais ao seu serviço, fazemos um apelo à solidariedade económica para fazer frente à multa contra os dous companheiros represaliados.

Numero de conta solidário com Alex e Santi:2091 0316 99 3040015276 (Conceito Solidariedade com Alex e Santi)

Galiza nom tem rei, nem o quer!

Avante a República Galega!

Direcçom Nacional de NÓS-Unidade Popular

Galiza, 11 de Junho de 2009