Poucas horas depois de finalizar o tétrico Dia Nacional de Espanha eram praticadas as detençons de dez militantes da esquerda abertzale em diferentes pontos do País Basco.

A operaçom policial iniciada na tarde de onte constata umha vez mais a espiral repressiva do governo de Zapatero, e o seu cinismio e hipicrisia à hora de defender nos ámbitos internacionais soluçons dialogadas aos conflitos, optando pola via repressiva no seu tratamento das demandas de liberdade nacional e emancipaçom social dos povos oprimidos por espanha.

A estrategia repressiva do governo PSOE contra o independentismo basco tam só incide na aplicaçom de receitas fracassadas, na soluçom policial a um problema de natureza eminentemente política.

As detençons dirigidas por Baltasar Garzón vinhérom precedidas por umha bateria de declaraçons ameaçantes realizadas nas últimas semanas polo actual titular do Ministério espanhol do Interior contra o projecto independentista e socialista representado pola ilegalizada esquerda abertzale.

As detençons de onte, agravadas pola ocupaçom policial dos locais da central sindical LAB, tam só procuram fechar qualquer possibilidade a umha saída política ao conflito entre Euskal Herria e Espanha, alicerçada no reconhecimento do direito de autodeterminaçom.

NÓS-Unidade Popular solicita a imediata liberdade das pessoas detidas, garantias do respeito da integridade física durante a sua estadia nas dependências policiais, e manifesta umha vez mais a sua solidariedade internacionalista com a esquerda abertzale e a sua consequente luita pola Independência e o Socialismo.

Direcçom Nacional de NÓS-UP, 14 de Outubro de 2009