A militáncia e a base social de NÓS-Unidade Popular estivo presente na multitudinária manifestaçom nacional em defesa da língua. Figemo-lo apoiando a iniciativa da plataforma Galego Sempre Mais, que voltou a juntar muitas centenas de pessoas com a sua palavra de ordem "contra o bilingüismo, pola hegemonia social do galego".

A verdadeira oficilidade para o galego, a defesa da unidade lingüística galego-luso-brasileira e o fim da imposiçom do espanhol em todas as ordens da vida social da Galiza fôrom as principais reivindicaçons numha marcha identificada pola cor laranja e pola animaçom constante.

NÓS-UP nom quer deixar de parabenizar as entidades normalizadoras e culturais que integram a plataforma Galego Sempre Mais, pola boa resposta à sua convocatória e pola proposta lançada de constituir umha nova iniciativa nacional normalizadora com parámetros reintegracionistas.

A luita pola língua vai ser longa, cumpre dotar-se de instrumentos unitários de defesa e avanço das posiçons pola hegemonia social do galego.