Galiza, Friday-feira 31 de October de 2014
RSS syndication
:: Última actualizaçom:
24/01/12
< October de 2014 >
stqqssd
12345
6789101112
13141516171819
20212223242526
2728293031
::Comunicados

NÓS-Unidade Popular agradece ao PP a difusom do Mapa Nacional da Galiza no vídeo eleitoral de Mariano Rajoi

A Direçom Nacional de NÓS-Unidade Popular toma nota da inclusom, por parte do vídeo eleitoral do Partido Popular, da definiçom das fronteiras nacionais e da bandeira da Galiza realizada pola esquerda independentista galega, tal e como se pode comprovar no spot de apresentaçom do seu candidato a presidente de Espanha, Mariano Rajoi.

A Direçom Nacional de NÓS-Unidade Popular toma nota da inclusom, por parte do vídeo eleitoral do Partido Popular, da definiçom das fronteiras nacionais e da bandeira da Galiza realizada pola esquerda independentista galega, tal e como se pode comprovar no spot de apresentaçom do seu candidato a presidente de Espanha, Mariano Rajoi.

Se bem é certo que a voz do narrador continua a falar de "región" para se referir à Galiza, a reproduçom do Mapa Nacional elaborado por NÓS-Unidade Popular no ano 2005, incluída a rotulaçom em galego reintegrado e a bandeira com a estrela vermelha de cinco pontas, supom umha assunçom, direta ou indireta, consciente ou inconsciente, de que a Galiza inclui as comarcas do leste arbitrariamente excluídas no seu dia polo Estatuto de Autonomia atualmente em vigor.

O gesto de campanha do PP supom também um reconhecimento gráfico do caráter nacional da Galiza, que mais cedo que tarde deverá converter-se num reconhecimento jurídico-político do Estado Soberano Galego, se bem somos conscientes de que, para essa tarefa, dificilmente poderemos contar com o concurso do Partido Popular.

Lembramos nestes momentos a intensa campanha mediática de ataques contra a nossa organizaçom quando o Mapa Nacional da Galiza foi distribuído em centros de ensino e outros ámbitos de todo o País. Naquela altura, NÓS-Unidade Popular chegou a ser acusada de "anexionista" em relaçom aos territórios galegos da chamada "Galiza Irredenta", apesar da clareza com que defendemos a abertura de um debate democrático em que todos os galegos e galegas habitantes dessas comarcas pudessem decidir serem ou nom galegos e galegas, o que até agora lhes tem sido radicalmente negado.

NÓS-Unidade Popular congratula-se pola difusom do Mapa Nacional da Galiza e fai um apelo ao Partido Popular para que substitua o termo "región" polo mais adequado de "Naçom" para se referir à Galiza nesse documento de propaganda audiovisual. O resto do trabalho pola libertaçom nacional e social de género da Galiza ficará por conta do povo trabalhador galego.

Direçom Nacional de NÓS-Unidade Popular

Galiza, 22 de setembro de 2011