Somos conscientes de que por meio deste comunicado, abrimos umha canle de publicitaçom a um ato, exclussivamente dirigido á ideologizaçom dumha casta da sociedade mui reduzida, e alhea ao Povo Trabalhador Galego; mais fervemos na necessidáde de nos posicionar ante a impactante actualidade que lhe otorgam ao Foro Español de la Familia e o seu presidente Benigno Blanco, os meios de comunicaçom espanholistas.

Benigno Blanco, apresenta-se a sim mesmo, como licenciado em Direito, ex-secretário de dous ministerios espanhois durante oito anos “a dedo” polo governo do PP e ex-director dos servizos jurídicos de Iberdrola. Agora mudou a defesa da companhia eléctrica, pola da ideologia mais classista: a das elites espanholas.

A sua estrategia consiste em introduzir aos poucos, nos marcos legislativos das distintas comunidades autónomas, as suas 50 medidas publicadas; as quais conformam um completo ideário do enraizado Sistema Patriarcal. Muitas delas já tiverom luz verde para o seu reconhecemento no marco legislativo galego, ao mando do governo de Feijoo, através da polémica Lei de Familia.

O Foro Español de la Familia solicita entre outras ribombantes propostas: a supresom das leis do matrimonio de parelhas do mesmo sexo, a proibiçom do aborto, a eliminaçom da materia escolar Educaçom para a Cidadania, dotar de capacidade de voto ás e aos menores de idade (administrado polos progenitores), ponher as trabas legais suficientes para evitar o divórcio, derogar a Lei de Dependencia e todo um conjunto para a defesa da gravidez da mulher (que nom se entenda da mulher, grávida ou nom grávida).

De NÓS-UP somos conhecedor@s dos poucos impedimentos que tal retrocesso legislativo vai encontrar no atual marco político, o qual reforza as nossas teses de que somente meiante a luita atingiremos um cambio estrutural, polo que o povo trabalhador galego podamos viver com dignidade.