Na manhá de hoje, sábado 17, NÓS-Unidade Popular dava continuidade à campanha “Simbologia fascista fora da Galiza. Higiene, justiça e democracia”, desta vez na cidade da Corunha.

A plena luz e ante os meios de comunicaçom, previamente convocados, duas militantes da Assembleia Comarcal da Corunha pintavam completamente de cor-de-rosa o monólito de homenagem a Francisco Franco sediado no Viaducto del Generalisimo, em pleno centro da Corunha e curiosamente ao lado da Praça de Alexandre Bóveda.

O monólito é, junto à estátua de Millán Astray, um dos símbolos mais significativos do fascismo na Corunha.

Após a sabotagem, vári@s militantes despregárom umha faixa sob a legenda da campanha. A polícia espanhola e a polícia local chegárom quando o acto já estava concluindo, identificando umha das pessoas que seguravam a faixa.

Esta acçom dá continuidade ao trabalho que a Assembleia Comarcal da Corunha está a desenvolver pola eliminaçom da simbologia fascista na cidade que governa Francisco Vasques.

Há que lembrar que, no passado dia 16 de Novembro, umha delegaçom da nossa organizaçom entregava via registo no Concelho umha moçom solicitando a derrogaçom do reconhecimento de Francisco Franco como filho predilecto da Corunha.