A brutal carga policial contra a manifestaçom de trabalhadores e trabalhadoras do metal do sul da Galiza tem um responsável directo: Delfim Fernnandez, Subdelegado do governo espanhol na Galiza.

Frente as justas demandas do proletariado do metal o PSOE optou pola repressom pura e dura.

A violência policial exercida contra milhares de operár@s indefes@s constata a nula vontade do governo espanhol de contribuir a solucionar o conflito.

Os graves sucessos iniciados hoje, pouco depois das doze da manhá, no interior do perímetro das instalaçons de Renfe de Vigo, contra milhares de operári@s, e posteriormente reproduzidas nas principais ruas do centro da cidade, com a conseguinte e lógica resposta da classe obreira, é conseqüência directa das pressons realizadas a semana passada polas declaraçons do presidente da Confederaçom de Empresários de Ponte Vedra, José Manuel Fernandes Alvarinho, e da Presidenta da Cámara Municipal de Vigo, Corina Porro, apelando a empregar a polícia para esmagar as justas reivindicaçons do metal.

Mas este nom é o caminho. NÓS-UP solicita a demissom do Subdelegado do governo espanhol na Galiza e o cessamento da repressom contra o metal, cujas reivindicaçons tenhem o nosso absoluto e incondicional respaldo.

NÓS-UP exige a imediata liberdade dos 13 obreiros detidos polas forças de ocupaçom e aplaude a decisom das centrais sindicais de nom retomar as negociaçons até que todos, sem excepçom, sejam libertados.

Permanente Nacional de NÓS-UP

Galiza, 8 de Maio de 2006

:: Podes ver o video da carga policial premendo cá