PROGRAMA ELEIÇONS AUTONÓMICAS

1- Pola Autodeterminaçom, liberdade e independência nacional. Contra a opressom, exploraçom e negaçom da naçom galega polo Estado espanhol.
·A soberania nacional reside no Povo Galego.
·Polo reconhecimento de Galiza como umha naçom livre na nova Europa.
·Por umha relaçom igualitária entre todos o povos e naçons da Península, frente ao actual hegemonismo espanhol.
·Plena galeguizaçom do País.
·Reconhecimento da territorialidade lingüística do galego como única língua oficial na Galiza, e por um estreito relacionamento com o vizinho povo português, com quem nos une a identidade lingüística e a proximidade em tantos planos da vida social e económica.
·Supresom da divisom provincial espanhola e das Deputaçons. Articulaçom nacional com base nas comarcas, concelhos e paróquias.
·A naçom galega nom se cinge ao territótio da actual Comunidade Autónoma Galega.
·Integraçom voluntária dos territórios galegos actualmente fora da Comunidade Autónoma.

2- Por umha Galiza das trabalhadoras e dos trabalhadores.
·Contra a reforma laboral. Por umha Galiza social que garanta os direitos laborais e as conquistas sociais de tod@s @s assalariad@s.
·Contra a precariedade laboral, contra o desemprego e os salários de miséria. Proibiçom das ETT´s. Nom à privatizaçom da gestom do emprego nas maos dos usurários da força de trabalho.
·Contra a privatizaçom dos serviços públicos.
·Polo direito ao trabalho e pleno emprego
·Jornada laboral de 35 horas e salário mínimo de 900 euros.
·Eliminaçom das horas extras.
·Por umha educaçom, sanidade, assistência social e umhas pensons públicas, gratuitas e de qualidade.
·Contra a pobreza e a exclusom social.
·Contra a exploraçom infantil.
·Contra a especulaçom imobiliária e as máfias da construçom. Por umha vivenda pública de aluguer.
·Medidas de choque contra a pobreza e a exclusom. Por umha cobertura e um salário social.
·Por umha política fiscal que grave os que mais tenhem e contribua para o igualitarismo.
·Por umha política económica socialista que redistribua a riqueza, ecologicamente sustentável e garante dumha vida digna.
·Por um espaço sócio-económico galego alicerçado no sector público.
·Pola saída da Galiza da UE, do FMI, OMC e o Banco Mundial.
·Defesa do meio rural e dignificaçom do agro. Reforma agrária que pare a desertizaçom do campo galego.
·Supressom das quotas e restriçons.

3- Pola plena igualdade entre mulheres e homens.
·Contra toda forma de discriminaçom, opressom, dominaçom e exploraçom das mulheres no ámbito familiar, laboral, social, cultural e educativo.
·Contra a violência machista e o patriarcado.
·Polo direito ao aborto livre e gratuito na rede sanitária pública.
·Pola liberdade sexual de todas as pessoas. Contra qualquer forma de discriminaçom pola orientaçom sexual.
·Por um modelo coeducativo de ensino, que elimine estereótipos e que atenda ás necessidades tanto de mulheres como de homens de maneira global e nom baseada em questons de género.
·Utilizaçom dumha linguagem nom sexista em todos os ámbitos públicos, especialmente nos meios de comunicaçom e no sistema educativo.
·Proibiçom do uso denigrante, agressivo e vexatório das mulheres na publicidade.
·Retirada de qualquer subsídio directo ou indirecto destinado à Igreja católica e reinvestimento em políticas efectivas de superaçom da actual situaçom de desigualdade que padecemos as mulheres e demais colectivos discriminados polo patriarcado.
·Recuperaçom e reconhecimento do papel jogado polas mulheres ao longo da história em todos os ámbitos da sociedade.
·Contra a desigualdade salarial entre mulheres e homens e pola igualdade de oportunidades no ámbito laboral.
·Contra o tráfico e a exploraçom sexual de mulheres.
·Criaçom dumha rede de andares gratuitos para as mulheres vítimas da violência machista, assim como políticas laborais específicas destinadas a fomentar a sua independência económica.
·Por uns Centros de Orientaçom Familiar efectivos que forneçam a informaçom e os métodos anticonceptivos adequados às necessidades reais da sociedade galega.

4- Poder popular. Por umha Galiza democrática.
·Pola participaçom, controlo e gestom popular das políticas económicas, sociais, culturais, ecológicas.
·Pola democracia participativa.
·Pola aplicaçom de sistemas de controlo d@s representantes mediante mecanismos de revogabilidade e fiscalizaçom popular.
·Por novas vias de participaçom e movimentaçom social mediante consultas, referendos, métodos de decisom abertos e assembleares, dotando a paróquia e o bairro de personalidade jurídico-política como unidade de participaçom popular.
·Contra a corrupçom, o clientelismo e os privilégios da casta política que gere actualmente os interesses do Capital e dos estados.
·Poder local de ampla participaçom vicinal, com um Estatuto que regulamente a participaçom popular.
·Por umha informaçom veraz e uns meios de comunicaçom livres, pluralistas e nom alienantes. ·Democratizaçom, controlo público e carácter participativo dos meios de comunicaçom público.
·Retirada de todos os subsídios e ajudas públicas aos centros de ensino privados.
·Supressom de toda ajuda pública e privilégios a todas as religions.
·Contra a monarquia. Por umha República galega.

5- Por umha Galiza ecológica.
·Comprometida com um meio natural limpo e saudável. Contra a destruiçom da natureza.
·Por umhas políticas ecológicas superadoras do desprezo e a lógica esbanjadora da natureza que pratica o capitalismo.
·Contra a energia nuclear.
·Por um desenvolvimento endógeno e sustentável que garanta a sobrevivência do Planeta e entregue um mundo mais habitável às vindouras geraçons.
·Na defesa de um modelo sócio-económico harmónico com o meio, contrário à acumulaçom desigual de riqueza, ao consumismo, e as visons curto-prazistas de crescimento.

6- Contra a repressom e o autoritarismo.
·Eliminaçom de todas as legislaçons especiais: Lei de Partidos, Lei Antiterrorista, Imigraçom e Estrangeria.
·Saída das forças de ocupaçom da Galiza (Exército, Guarda Civil, corpos policiais).
·Por um sistema judicial ao serviço do povo.
·Imediata legalizaçom de todas as organizaçons independentistas e revolucionárias.
·Contra o espaço judicial e policial europeu.
·Dissoluçom da Europol.
·Contra toda forma de controlo social, criminalizaçom e recorte das liberdades em aras da segurança.
·Contra toda forma de tortura e prisom por motivos políticos.
·Amnistia para tod@s @s pres@s polític@s.
·Em defesa de todos os direitos humanos.

7- Por uma política ao serviço da juventude galega.
·Medidas de choque que garantam um presente digno para a mocidade.
·Plena equiparaçom dos direitos laborais e salariais dos contratos de aprendizagem e em práticas com os ordinários.
·Ensino galego, público, de qualidade e nom patriarcal.
·Vivendas públicas semigratuitas com facilidades para a sua compra.
·Legalizaçom de todas as drogas.
·Cobertura pola saúde pública dos programas de desintoxicaçom.
·Centros públicos de lazer, ócio e desporto.
·Distribuiçom gratuita de preservativos e anticonceptivos.
·Locais públicos para manter relaçons sexuais.
·Maioridade aos 16 anos.

8- Contra a Guerra e o Imperialismo.
·Pola plena desmilitarizaçom e desnuclearizaçom da Galiza.
·Contra o gasto, a indústria e a investigaçom militares.
·Saída da Galiza da OTAN, a UEO e o futuro exército europeu.
·Por umha nova ordem internacional alicerçada na solidariedade e a ajuda mútua.
·Contra o intervencionismo dito "humanitário" e as guerras preventivas.
·Por umhas novas relaçons internacionais com o resto do mundo baseadas na cooperaçom, diálogo, respeito e nom ingerência.

9- Por umha Galiza solidária e internacionalista.
·Contra as políticas racistas e xenófobas.
·Polo direito de asilo.
·Em defesa dos direitos básicos de tod@s @s imigrantes. Nengum ser humano pode ser declarado ilegal.
·Pola igualdade de todos os habitantes da Galiza, independentemente da sua origem e raça.
·Contra as fronteiras e os muros do Capital. Pola solidariedade entre os povos e @s trabalhadoras/es.